முந்தல் பொலிஸ் பிரிவுக்குட்பட்ட கும்புக்கடவள பிரதேசத்தைச் சேர்ந்த சிறுமியே இவ்வாறு பாலியல் வல்லுறவுக்கு உட்படுத்தப்பட்ட மாணவியாவார்.
பாதிக்கப்பட்ட சிறுமி தமது வீட்டுத் தேவைக்காக முட்டை வாங்குவதற்காக வேண்டி சந்தேக நபருடைய கடைக்குச் சென்றுள்ளார். இதன் போது முட்டை தருவதாகத் தெரிவித்து சிறுமியை கடையின் பின்புறமாக அழைத்துச் சென்றுள்ள சந்தேக நபர் அங்கிருந்த அறை ஒன்றுக்குள் வைத்து சிறுமியைப் பாலியல் வல்லுறவுக்கு உட்படுத்தியிருப்பதாகத் தெரிவிக்கப்படுகின்றது. இதனையடுத்து வீட்டுக்குச் சென்றுள்ள சிறுமி நடந்த சம்பவத்தை தனது தாயிடம் தெரிவித்ததையடுத்து தாய் சம்பவம் தொடர்பில் முந்தல் பொலிஸ் நிலையத்தில் முறைப்பாடு செய்துள்ளார்.
சிறுமியைப் பாலியல் வல்லுறவுக்கு உட்படுத்திய குற்றச்சாட்டு தொடர்பில் தனக்கு எதிராக முந்தல் பொலிஸ் நிலையத்தில் முறைப்பாடு செய்யப்பட்டிருப்பதை அறிந்து கொண்ட சந்தேக நபர் தற் கொலை செய்து கொள்ளும் நோக்கில் நஞ்சருந்தியுள்ளதாக பொலிஸார் தெரிவி த்தனர். இவ்வாறு நஞ்சருந்திய அவர் முந்தல் வைத்தியசாலையில் அனுமதிக்கப்பட்ட பின்னர் அங்கிருந்து மேலதிக சிகி ச்சைக்காக சிலாபம் வைத்தியசாலையில் அனுமதிக்கப்பட்டுள்ளார்.
சம்பவம் தொடர்பில் முந்தல் பொலிஸார் மேலதிக விசாரணைகளை மேற்கொண்டு வருகின்றனர்.
